ក្រសួងការងារ៖ រយៈពេល៥ថ្ងៃដើមឆ្នាំ២០១៨នេះ កម្មការិនីសម្រាលកូនបានចំនួន៤២៤នាក់​ និងទទួលបានថវិកាឧបត្ថម្ភសរុបជាង១៦៩.៦លានរៀល

(ភ្នំពេញ)៖ លោក ហេង សួរ អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈបានថ្លែងប្រាប់ថា គិតចាប់ពីថ្ងៃទី១ ខែមករា ដល់ថ្ងៃទី៥ ខែមករា ឆ្នាំ២០១៨នេះ ប.ស.ស នៃក្រសួងការងារ និងបណ្តុះបណ្តាលវិជាជីវៈបានទទួលបញ្ជីកម្មការិនីសម្រាលកូនសរុបចំនួន៤២០នាក់ និងបញ្ជីទារកសរុបចំនួន៤២៤នាក់ និងបានផ្តល់ថវិកាសរុបចំនួន ១៦៩.៦លានរៀល ដោយឡែកសម្រាប់ថ្ងៃទី៥ ខែមករានេះ គឺមានកម្មការិនី ១០៨នាក់ បានសម្រាលកូនបាន ចំនួន១០៨នាក់។

គិតចាប់ពីថ្ងៃទី១ មកដល់ថ្ងៃទី៥ ខែមករា នេះមានកម្មការិនីដែលសម្រាលបានកូនភ្លោះ២ មានចំនួន ៤នាក់។

ការឧបត្ថម្ភនេះបានបង្ហាញពីការចាប់ផ្តើមអនុវត្តកម្មវិធីបើកផ្តល់ប្រាក់ឧ​បត្ថម្ភបន្ថែមដល់កម្មករនិយោជិតជាស្រ្តី ទាំងក្នុងនិងក្រៅប្រពន្ធពេលសម្រាលកូន។

សូមជំរាបថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសដាក់ចេញគោលនយោបាយថ្មីរបស់រាជរដ្ឋាភិបាល ឧបត្ដម្ភថវិកាដល់កម្មការិនីឆ្លងទន្លេចំនួន៤០ម៉ឺនរៀល សម្រាប់អ្នកកើតបានកូនម្នាក់, ចំណែកអ្នកកើតបានកូនភ្លោះពីរនាក់ ទទួលបាន៨០ម៉ឺនរៀល និងសម្រាប់អ្នកកើតបានកូនភ្លោះបី ១,២០០,០០០រៀល ដែលគោលនយោបាយនេះ ចាប់អនុវត្តចាប់ពីថ្ងៃទី០១ ខែមករា ឆ្នាំ២០១៨ តទៅ។ រាជរដ្ឋាភិបាល បានត្រៀមបម្រុងចំណាយថវិកាប្រមាណ ១០លានដុល្លារអាមេរិក ក្នុងមួយឆ្នាំសម្រាប់ចំណាយប្រាក់ ឧបត្ថម្ភដល់កម្មការិនីឆ្លងទន្លេ៕

Related Posts

About The Author

Add Comment

error: Content is protected !!